想講就講！！！: 2007

2007年12月31日星期一

新年快樂!!^.^

今晚會好凍、各位出街街的小心D
著多件衫啦！~~知無???
有地方去慶祝未呢??
今日下午呢剛剛拍完劇(銀樓金粉)，返到家抖抖！
之後就開始返大陸今晚有個show要表演！！
好開心佳節有show做！~哈哈~
明早再返公司開工(同事三分親)~~
正所為年頭開到年尾再開到年頭！！不停不停工作~~
真係生活愉快、開開心心過一年~~
各位新年快樂、身體健康呀!!~~~~

2007年12月28日星期五

Eason's Moving On Stage 1

我之愛的陳奕迅Eason隻最新演唱會出街啦！
哈哈哈哈哈哈~~~~~實在太正啦~~~~~~
個種隨心所欲、想點就點的景間真係.....
再等...等佢出DVD、番睇番睇再番睇~~~~~~
再唱再唱再再唱、
之後就可以用演唱會裹的MMO來表演！！

2007年12月26日星期三

<甜言蜜語>開工啦!!~

早兩日先講完話聖誕會放假！哈、點知電話就響！
27號開工0930呀、OK!~Bye~~咁就要開工啦！！
其實我都幾開心放假開工、有野做嘛！
這套劇我重要係一月尾返大陸拍四日外景添！！
我係套劇度係飾演(張添)的工人，
而(張添)就好似香港好出名的(桃牌)咁，係做麵生意的
所以咪上大陸去它們的生產廠房度拍攝，
拍完後影d靚相畏大家睇下，好期待...
好耐無出過去拍野啦!!~~~~~~~~~~~

2007年12月24日星期一

聖誕快樂!!~~

今晚係平安夜！搵節目未呢??~~
我今年都幾好彩！呢輪日日開工，
但係係呢幾日都唔冼返工！哈哈~~
前幾年都係工作中渡過~
不過返工過聖誕都好開心嫁！
因為通常一班主角都會係這天食飯時候！
去訂了很多美食開一個簡單的聖誕派對！！
全個廠的人一齊食餐聖誕大餐!~~
我今晚就相約朋友去街街，
感受下條街多人到爆的聖誕氣氛!!~
聖誕快樂，有個愉快假期!!~~

2007年12月20日星期四

婚禮司儀

近排真的特別多朋友結婚，剛剛幫了已前參加

歌唱比賽的歌友仔做司儀，係度祝他們

白頭到老、永結同心，來緊的一月也有三個

好朋友結婚，去飲之外也會幫他們做司儀呢!!~

雖然已經請假去幫手，但希望真的能到假吧！

來緊一月頭會過去台灣五日，為什麼要去？

下次先講！！~~哈哈~~~~~~~~~~~~~~~

2007年12月18日星期二

股市、唉、真係好難玩！

早前話要努力係股市返輸個D返來，
哈哈！還未能成功！...
人果然係會貪心！有得賺又覺少、無賺！
點知又輸返返轉頭！~~~~~~~
今日金句！
賺夠要走、唔走無回頭！

2007年12月14日星期五

<史密夫vs史密妻> 宣傳

上星期做個宣傳<史密夫vs史密妻>!!~

要扮史密夫，哈哈！幾好玩、、、

兩夫妻不和、當然要開槍殺、殺、殺啦!!~~

地點銅鑼灣世貿中心，好多人睇woo~~

其實套戲係戲院播時已經睇！！好睇嫁~~

未睇就睇明珠台啦...12月9號晚......哎呀!~~

已經播啦！！~~~~哈哈~~~~

2007年12月12日星期三

歡樂滿東華2007 ~ 演出片段

個日唱的懷舊金曲就係...(半斤八兩)...
係近幾年我都有參與<卡拉之星>環節，
亦都會得到各方好友捐款贊助，

係度要再多謝佢地一聲!~~~Thanks~~~

而每一年我都會唱D新D同快D的歌畀大家聽!!~

(愛是懷疑),(感覺蘇豪),(Volar)就係唱過個D...

可能因為咁有好多親戚朋友都沒聽過個D歌!!~~

所以今年就特別D搵隻懷舊快歌畀大家聽下！

咁夜先唱，有冇捧場呢?? 希望你們鐘意啦！！

~今年亦都有幫忙作東華三院

序幕&閉幕慶功的表演嘉賓添!!~~

做多D善事、人都醒神好多嫁!~~~

家燕姐每年都好出力咁幫東華，好勁呀！

她的Fans每年都好多人同跳舞跳得好齊~~

重勁呀！！~~係現場睇重更有共鳴添!!~~

2007年12月11日星期二

迪士尼真人show~~

最近行過德福商場，
見到有好多迪士尼電影的卡通人物，
勁真勁靚！所以就影低落來畀大家睇下！

2007年12月8日星期六

NBA James 復出無期 ~唉!~~

我愛的LebornJames!!

占士復出無期，騎士隊一沉不起~

傷左手手指、唔冼休息咁耐呀！

已經五連敗~真係不知點算好~~

好在重有湖人隊Kobe睇，Kobe勁正！

打波又成熟、無獨食啦！Good~~~

2007年12月7日星期五

歡樂滿東華2007~多多捧場!!

<歡樂滿東華>12月8日又到啦！
係近幾年我都有參與<卡拉之星>環節，
亦都會得到各方好友捐款贊助，
係度真係要多謝佢地一聲!~~~Thanks~~~
而每一年我都會唱D新D同快D的歌畀大家聽!!~
可能因為咁有好多朋友都沒聽過個D歌!!~~
所以今年就特別D搵隻懷舊快歌畀大家聽下！
想知係咩歌，就真係要捧捧場呀！
希望你們鐘意啦！！~~~~

2007年12月6日星期四

<銀樓金粉>拍攝中

最近開緊一套劇集<銀樓金粉>，飾演阿西，

係一家大戶人家的一名家丁，全劇都無咩可以發揮，

但係我唔會放棄，所以都幫自已訂一D人物性格，

你地睇下張相，

就知係一個傻下傻下、每事慢三拍的人...哈哈...

下面張相個景幾靚，所以畀大家睇下！！

2007年12月4日星期二

沙田區歌唱比賽2000

這是我參加2000年沙田區歌唱比賽時，

在五強時所唱的快歌~餓狼傳說~的影片~

當時好開心嫁，入到五強！！~

點知重可以贏得到冠軍...^.^...

下次我會將冠軍encore的影片給大家看看，

今次就睇住呢個先啦！~~~~

2007年12月3日星期一

藝進同學會廿週年晚會 @ 東張西望

可以睇睇現場情況、因為是次晚會<東張西望>亦有報導~~

2007年12月1日星期六

藝進廿週年晚會~詳盡報導

藝進同心二十載綜合晚會，

苗僑偉、黃日華及湯鎮業、趙雅芝夫婦、鄭少秋、
鍾景輝、古天樂、TVB藝員出席.....
嘉賓好多，自已睇睇>>>>>>

主禮嘉賓~霍震霆議員、鄭美施處長、葉萬權先生、
馮品聰先生、樂易玲小姐、杜琪峯先生、甄懋強先生

六大大會司儀有
鄺佐輝、廖安麗、鄧英敏、宋芝齡、黃智賢、張美妮
打頭陣有楊千嬅任表演嘉賓。

跟住就有我們的師兄黎耀祥(超鬼馬演出)

& Joe Junior(勁好聽英文歌曲)

港姐港男~袁偉豪、周家蔚、曹敏莉、黃長興 (舞動奇蹟)演出

藝進六壯士~甄懋強、鄺佐輝、李國麟、黃澤鋒、郭淨、杜大偉

裕美 & 范萱蔚唱歌

自已有份表演唱的電視主題曲大串燒~~
<<藝進同心演奏聽>>

我唱<藍天>啊!~~藍藍天空高掛我的夢 ...........

大串燒最尾全部同學仔出來作晚會Ending~~
黃智賢、陳志健、蒲進、姚鳳絲、陳少邦、姜蓓莉、
連俊雄、周寶琳、王維德、王敏明、潘冠霖、黃子衡、
李家強、黃樂兒、戴志偉、鄭俊泓、趙樂賢、趙敏通、
何婷恩、陳健文、何仲偉、李斯庭、區偉麟、陳東成

今次晚會的籌委委員
自已、麥包、祝文君、趙敏通、林道權

今次真係學到好多好多野，
做一個晚會show係可以咁辛苦同咁大壓力，
哈哈、所以瘦返成個碼、正!!~~
亦都見到好多人情冷暖，全個人馬上大個仔，
好啦！終於都完滿結束~~~~
係度真係要多謝教我幫我的同學及朋友仔們！！
唔多講邊個啦！
因為他們都好清楚我己經好真心咁感激他們了~~~

2007年11月27日星期二

無時間~Sorry!!~~

好想報導藝進二十週年晚會的事，但又想詳盡d。
不過真係幾好彩，忙完個晚會之後，
先至日日都開工，日接夜夜接日，無時間訓！
所以畀小小時間我，一有時間整個詳盡的！！
而家又返工啦！應該收零晨三點之後就馬上返晨早六點外景，
要去到明晚零晨二、三點、、、哈哈，跟住就有得訓啦！！
不過咁先開心！！~~~因為有野做！！^.^

2007年11月23日星期五

藝進同學會20週年晚會到啦~~~

今晚就係啦!~~
原來要做好一個show係咁高難道!~台前、幕後、前期、後期~
因為這晚會我係五個籌委委員之一，
真係超多野要跟同做、雖然辛苦但有好多人會教我點做，
學到好多野！！過今晚之後我會一一咁多謝他們！
係邊個教我同想知今晚晚會實況，完show之後再同大家講啦！
哈哈！要保持神秘感~~~~~~~

2007年11月18日星期日

搵到啦~~唱歌片段~

搵到啦！~這一條片係我06年在
沙田區歌唱比賽中任表演嘉賓時錄的，
由於這一個比賽我在2000年時拿了冠軍及台風獎，
而06年時好似係十週年，
所以就集齊了十年冠軍人馬作表演啦!!~~
當日我重有擔任司儀添!!~~~~
總共唱兩首歌，其中有一首係同01年冠軍達達一齊唱的
達達係係我班歌友仔中比較合拍的一個，佢影相好勁嫁!!~~
幫我影過好多相~~ http://www.sky2workshop.com/
跟佢學好多野!!~~好啦~~太多野講啦~~睇片吧~~~~

2007年11月14日星期三

其實我係點入行？？

小弟熱愛唱歌，所以就會去參加好多唔同類型的歌唱比賽、

亦都贏過不少獎行嫁！比一部份獎盃大家睇下啦！！～～

亦都因為咁，所以認識到好多好喜歡唱歌的朋友仔，
由於贏了、就自不然有人會請你去表演唱歌，
做司儀呀等等．．
鐘意唱歌的其實有大多數人都喜歡演藝這一行業的，
自已就係例子！
所以當時就約了幾個歌友仔去考藝員訓練班啦～～
當然我係成功被取錄個個啦～嘻嘻　^.^
咁我先可以係電視機見到大家渣～～～

哈！等我搵下有冇一ｄ我唱歌時的相、Movie呀！